Category Archives: News

गुल्मी जिल्ला समाज यूकेको वार्षिक साधारणसभा सम्पन्न

साउथ ईस्ट लण्डनको चार्ल्टनस्थित चार्ल्टन एथ्लेटिक क्लबको सभाहलमा झण्डै ६ दर्जनको सहभागितामा सधाारणसभा सम्पन्न भएको हो ।
समाजका अध्यक्ष राम गलामीको अध्यक्षतामा सम्पन्न साधारणसभामा समाजको भावी कार्यदिशा, विधान संशोधन र परिमार्जन लगायतका विषयमा व्यापक छलफल गरियो ।

विधान समितिका संयोजक तथा समाजका उपाध्यक्ष फडिन्द्र भट्टराई र सल्लाहकार केशव भण्डारीले प्रस्तुत गरेको विधान संशोधनको प्रस्तावमा सहहभागीहरुले आ आफ्ना धारणा राखेका थिए ।

साधारणसभालाई सल्लाहकार बालजंग अर्याल, संस्थापक अध्यक्ष ओमप्रसाद थापा र पूर्व अध्यक्ष अर्जुन गौतमले पनि सम्बोधन गरेका थिए । त्यसअघि उपाध्यक्ष राजन खरेलले स्वागत मन्तव्य राखेका थिए भने कार्यक्रमको सञ्चालन महासचिव शिव भण्डारीले गरेका थिए ।

साधारणसभामा महासचिव शिव भण्डारीको वार्षिक प्रतिवेदन तथा कोषाध्यक्ष तारानाथ भण्डारीको आर्थिक प्रतिवेदन पनि छलफलसहित पारित गरियो ।

त्यसअवसरमा बेलायत भ्रमणमा आएका लोकदोहोरी गायक राजु ढकाललाई समाजका तर्फबाट खादा ओढाएर सम्मान गरियो । गायक ढकालले गीत प्रस्तुत गरेर मनोरञ्जन समेत गराए ।साधारणसभामा कार्यसमितिका अधिकांश पदाधिकारी, सदस्यहरुका साथै सल्लाहकारहरु मोति भण्डारी, फत्त थापा, रण केसी, रोमनाथ पाण्डे, गोकर्ण बस्नेत, मिन दर्लामी, दासुराम पाण्डे, खड्क रेश्मी, चक्रबहादुर राना लगायतको पनि उपस्थिति थियो ।

Share This:

गुल्मी जिल्ला समाज युके को च्यारिटी कार्यक्रम ४ डिसेम्बर २०१६ मा

गुल्मी जिल्ला समाज युकेले विश्व अपांग दिवसको अवसरमा वार्षिक रुपमा आयोजना गर्दै आएको च्यारिटी कार्यक्रम निम्न मिती स्थान र समयमा आयोजना गर्न लागेको जानकारी गराउन चाहन्छौ ।

यस बर्ष आयोजना हुने च्यारिटी कार्यक्रम बाट संकलित रकमको ठुलो हिस्सा गुल्मी जिल्लाको सदरमुकाम तम्घासमा निर्माणाधीन ब्लड बैकको सहयोगार्थ खर्च गरिने र बाँकी रकम सधै जस्तो आशा अपांग केन्द्र तम्घासको सहयोगमा प्रदान गर्ने निर्णय भए बमोजिम यो प्रोग्राम बाट संकलन गर्नुपर्ने सहयोग सधैको भन्दा अधिक अपेक्षा गरिएको छ । आपतकालीन उपचारमा आवश्यक पर्ने ब्लड संचय गर्ने ब्लड बैंकको अभावमा दुर्गम गाउँ ठाउँ का बिरामीहरुले आफ्नो जीवन गुमाउनु पर्ने गरेको तथ्यलाई मध्यनजर गर्दै यसपालीको सहयोग त्यसतर्फ केन्द्रित गर्ने निर्णय गरिएको हो ।

यसको अलावा आशा अपांग केन्द्र गुल्मीले जिल्लाका अपांग तथा असह्याय हरुको उपचार र पुनर्स्थापनामा गर्दै आएको परोपकारी कार्य संग हजुरहरु सबै अवगत नै हुनुहुन्छ । सेवा नै धर्म हो भन्ने भावनाले गुल्मी जिल्ला समाजले सधै जसो गर्दै आईरहेको च्यारिटी कार्यक्रममा यस पाली पनि यहाँहरुको बृहत सहभागिता र सहयोगको अपेक्षा गरेका छौ । आफ्ना भाई साथी , ईस्टमित्र तथा परिवारजनका साथमा उक्त कार्यक्रम सहभागिता जनाएर उपकारमुखी कार्यमा दान पुण्य  पुग्ने गरी भरपुर मनोरंजन लिनुहुन हार्दिक अनुरोध गर्दछौ ।

कार्यक्रमको आकर्षणको रुपमा गुल्मेली नौमती बाजा तथा बिशेष सांस्कृतिक कार्यक्रम समेतको तयारी रहेको कुरा जानकारी गराउदछौ ।


कार्यक्रम हुने मिती , स्थान र समय :

मिती : ४ डिसेम्बर २०१६

स्थान : Grace Parish Hall

145 Charlton Road

SE7 7EZ

समय : दिनको ३ बजे राती १० बजे सम्म
प्रवेश शुल्क : £20.00


पुनश्च : सहयोग रकम संकलन दाताहरुको मनकारी चन्दा मार्फत बढाउन पर्ने भएकोले थप सहयोगी हरुले  आफ्नो सहयोग रकम कार्यक्रम अगावै घोषणा गरिदिनुहुन अनुरोध गर्दछौ ।  कार्यक्रम सम्बन्धी थप जानकारीको लागी कार्यक्रम संयोजनमा क्रियाशील  उपाध्यक्ष द्वय राजन  खरेल तथा फडिन्द्र भट्टराई लाई सम्पर्क गर्नु हुन समेत हार्दिक अनुरोध छ ।

Share This:

Like us to get updated
error: Content is protected !!